اوفاش رجعنا قال عمي لواليد غاندبح لواحد الخروف صغير اونعيطو على الجيران يتعشاو معنا اونقصرو هد الليلة قاليه لي بان ليك اولد ميمتي قاليه عمي إوا بلاتي نشوف واش كاين عبدالله نقوليه اجي هو ولادو اقصرو معنا اوفرحت انا حيت بان ليا عمي قاصد دار لي سكنا فيها حبيبتي عتيقة دق اوخرج عندو واحد راجل عرفتو هو الاب دعتيقة لي سميتو عبدالله قاليه عمي العشاء عندنا اجي نتا ودراري تقصرو معنا قاليه لاش مصدع راسك... قاليه الله اودي حنا جيران او خوت لمهيم الله اعاون. اومشنا لدار درنا كاصكروط وانا فرحان كنتسنا غي امتا تجي نشوفها، ضلام الحال اوسمعت الدقان فالباب عرفتهوم هما دربتها بجريا هه اوحليت ليهم الباب سلمت عليهم ولكن تفجأت كان غي داك عبدالله ومراتو اوالبرهش دولدهم اوحد البنت صغيرة قد ختي مكانتش معاهم عتيقة زعما علاش مجاتش تشوشت عليها ياك مامريضة، المهيم دخلو اوgلسنا ابدا كيتجمعو اويضحكو وانا كنفكر كيفاش نعرف علاش عتيقة مجاتش بان ليا لبرهوش gالس بوحدو مشيت حداه بديت تنسولو غي بالعقل تا قلت ليه فين ختك عتيقة قال ليا ختي مسميتهاش عتيقة سميتها مريم أواه صدمني زعما تكون كدبت عليا وعلاش؟..
ليست هناك تعليقات:
ملحوظة: يمكن لأعضاء المدونة فقط إرسال تعليق.