السلام عليكم الحباب اليوم جيت وجبت ليكم قصة حقيقية لي عشتها أنا بذات ماشي اي واحد خر.قصة فيها جنون 👹👹 تف تف
بسم لله رحمان الرحيم ههه يا العيادو بالله ولكن ما فيها باس نعاودها ليكم.
أنا سميتي إكرام فعمري 26 سنة ،أنا صغيرة عند ماما وبابا
وعندي 5 ديال خوت تبارك الله .قصة لي غاديا نحكيها ليكم ليوم وقعات ملي كنت كنقرا في الإبتدائي .يعني هادي مدة طويلة شوية...
اراك واحد الأيامات كان واحد جارنا مولوع بداكشي ديال الحضرة ويحضر جنون عندو في دار .كل نهار لخميس بليل يعني ليلة
الجمعة كيعرض على القريب والبعيد .
جيرانا كاملين كانو كيمشيو عندو حتى واحد ما كي بقا في دارو إلا حنايا . كنت ديما كنسول ماما علاش اماما ما نمشيوش حتى حنا .؟؟
كانت كتقول ليا لا أبنتي داكشي لي كيدير داك سيد ماشي مزيان .المهم ديك ليلة عندو كدوز ناشطة بالمعقول ماكين غي شطيح
وردييييح ههه هادشي غي على حساب دوك الاصوات لي كنسمعو.
وملي كي صبح صباح وكان كون غاديا المدرسة مع ولد جيرانا كنسولو على ديك ليلة لي مشاو عند (شواااف) . صراحة بقى كي
عاود ليا حتى زغب ديال شعري وقف ههههههههههه.قال ليا بلي داك شواف كيدير بزاااف ديال مجامر مستفين وعليهم مقارج
عامرين بالما سخون .وشواف كي گلس فوق جمر وكيبدا يشرب فلما طايب و مو وعائلتو كاملين حتى هوما كيديرو نفس شي
و جنون كالسين مع الناس.
صراحة ديك ليلة كتكون غريبة تخرج فليل ما تلقاش حس شي واحد كي دور إلا حنا.
حتى جات واحد ليلة من هاد الليالي لي هيا الخميس بالليل .تعشينا ودخلاتنا ماما نعسو .ملي تخشينا في فراشنا وطفينا ضو وحنا
نتفزعو 😫😫🥶🥶
مع حنا عندنا دار غي سفلية وملي طفينا ضو ناض صداااع في سطح وناري على درديك وجري فوق دار .ناضنا كنغوتو ماما ماما
اش هادشي ..؟؟؟
ماما: شعلات ضو ( هانا هانا واش سمعتو صداع لي كيجي من سطح دار؟؟
حنا: اه اه اشنو هادشي .؟؟؟
أنا: ولكن اماما سمعي كعما بقى .
صافي بقات ماما كتلاهي فينا شوية بينما نسينا وهي تقولينا يالاه نعسو راكم فايقين بكري ان شاء الله.
صافي ها ماما مشات وطفات ضو ديال كلشي ودام سكون مدة عشرة ثواني تقريبا وهو يرجع صوت .تقولو شي حد كيدير سباق
عندنا فسطح.وناري على ديك ليلة و على خلعة ما صبح صباح حتى متنا غي بالخلعة حيت مافهمنا والو و حتى ماما ما قدراتش
تطلع لسطح تشوف مع بابا كان خدام بعيد وما كينش فدار .قالت لينا فصباح بلي يقدر يكوونو غي المشاش ديالنا حيت ديما مولفين
يبقاو يلعبو مع بعضهم في سطح.
المهم داز نهار مزيان وجا عاود ليل ولكن ملي قرب ليل بديت كنحس عوتاني بالخلعة وجاوني بزاف الاسئلة في راسي ومنهم
..وااش ممكن تاني يرجع داك صوت ملي نطفيو ضو ؟؟؟؟
المهم راجعنا دروسنا انا وخوتي بقينا سهرانين شوية حيت الغد ليه سبت وكعما قاريييين.المهم سهرنا ولعبنا وضحكنا ههههههههههه
وهي تجي لينا ماما .
ماما: أ وليداتي واش ما ناويينش تنعسو ليوم را وحدة ديال ليل هادي.
المهم نضنا نعسو وطفينا ضو وهو ينوض الماراطون عوتاني فسطح .واهي ناري خويا يونس خويا يونس شنو هادشي ؟؟ ناري
شي حد كيجري فوق سطح ؟؟؟؟
يونس خويا:: ناري ا اكرام دار غاديا تريب علينا بهاد زديييح ؟
ماما ناضت كتجري شعلات ضو وهي تهز واحد زرواطة كبيرة وعيطات على خويا توفيق .
ماما : توفيق ..توفيق..نوض اولدي نطلعو لسطح نشوفو اش هادشي وشكون هادا!!
طلعات ماما وخويا لسطح غي بشوية ملي طلعو طلو ما لقاو حتى حد فحال إلى غي الكذوب.
المهم نزلوا قالو لينا بلي ماكين حتى حد..وهاد القضية غريبة والله.
رجعنا تاني نعسو ورجع صوت 🥶🥶🥶🥶😈
دازت سنين وعوام وحنا دائما في هاد الرعب حتى لواحد نهار خويا كالس فالقهوة وهو يكلس حداه شوااف .
شواااف:: وافين أ خيي؟ بخير ؟؟
خوبا: لباس الحمد لله بخير
شواف: بغيت نسولك هههههه وكي ضحك
خويا ؛ مالك ياك لباس مسبق ضحك هو لول ؟؟ ايوا ضحكنا معاك!!!
شواف :: بغيت غي نسولك على داك جن لي عندكم ساكن فسطح واش لباس عليه؟؟؟
خويا:: زغب شعرو وقف 🥶 جن !!! بسم الله الرحمان الرحيم اشمن جن؟؟؟
شوف:: راه كي قوليا ديما بلي ماماك خوك هازن عليه زروطة بليل ولكن ما كيشوفوهش كيهرب.
خويا:: شوف را دوختيني 🥵🥵واش صداع لي فسطح ديالنا كل ليلة واش هاداك جن؟؟؟؟
شواف:: اه جن والله يعمر ليه دار
خويا: أشريف اشمن الله يعمر ليه دار واش عارف اش كتقول؟؟ راه كل ليلة كنباتو مفزوعين .خوتي والواليدة غادي يتسطاو كل نهار
وكل شهر وكل عام🥶
شواف: وعلاش ؟؟!!!را داك الجن انا لي مصيفطو ليكم باش يبقا حاضيكم وحتى واحد مايقرب ليكم لداااار.
خويا:: اسيدي الحاضي الله و دخلت عليك بالله الى كنتي نتا لي مصيفطو بصح .غي حيدو من دارنا مايحضينا ما نحضيوه راكنموتو
غي بالخلعة
شواف:: صافي صافي انا مايحسابش ليا داير ليكم صداع صافي ليلة نصيفطو فحالو
صافي جا ليل وصراحة كانت هاديك هي اسعد ليلة فحياتنا ما بقى لا صداع لا والو هههههههههههه
وقصتنا سالات ما طولتش عليكم حيت زيادة من راس لحمق هههه
النهاية
ليست هناك تعليقات:
ملحوظة: يمكن لأعضاء المدونة فقط إرسال تعليق.