قالي وصل الوقت ياله نمشيو وانا عارف راسي منقدرش نقاومو اوغادي نمشي معاه بزز مني الحاجة الوحيدة لي كتخليه بعيد عليا هي ديك الورقة لي عطاني الفقيه ولكن انا فاش دوشت نسيتها فالحوايج لي بدلت، هنا فين عرفت ان هد الليلة ديال الجزاء ديالي حيت قتلت داك المش داني معاه ماعقلت على والو تا لقيت راسي قدام الباب كنتسناو العساس احل لينا دخلنا داني لداك البلاصة دخلني وسد عليا كان الضلام كانت واحد البلاصة فيها الضوء داكشي داير بحال شي غابة ماكدوزش ليها الشمس مشيت لتما لقيت واحد الراجل كيعدبوه واحد جوج من الجن غي شافوني طلقو عليا واحد العجب ظاير بحال الكلب غي هوا كبير بزاف تبعني ونا بقيت غي هارب ماعرفت فين غادي تا وصلت واحد البئر كان داك الحيوان قرب مني بلا ما نفكر نقزت فداك البئر حيت غي داك الحل لي بقا عندي ما جيت فين نوصل القاع ديالو تا رماتني الفيقة ولقيت يدي او وجهي عامرين بالدم مشيت غسلت مزيان طليت فالمرايا شفت وجهي كحل كامل او عندي لgرون بقيت كنغوت تفكرت ديك الورقة مشيت هزيتها درتها فجيبي عاد رجعات فيا الروح ورتحيت لقيت الواليدا فاقت قالت لي مالك كتغوت داتني لبيتي ونعست او فالصباح جا الفقيه معه واحد صاحبو شدوني واحد تيبخر البيت اوتيقرا القران او واحد شاد واحد العمود اوتيسلخ فيا ولكن انا متنحسش بداك العصا كاع منبعد شي ساعة تقريبا شفت عتيقة كتحل لباب اوكتقول ليا بسلامة حسيت بواحد الاحساس فديك اللحضة بحالي ياله تولدت او وليت كنحس بداك العصا لي كنأكل من عند الفقيه بديت كنغوت او هو يحبس قالي على سلامتك اولدي اليوم سالا العداب ديالك او يدي رجعت كنحركها عادي هنا فين سالت قصتي ورجعت لحياتي الطبيعية، دابا دازت عام على هد الواقعة، وليت عايش بيخير مع عائلتي، والفقيه كان نصحني باش نبدا الصلاة حيت هي كتعصم المسلم من الجن والانس او كتخليه غادي فطريق الخير داكشي لي درت وليت كنصلي ولكن داك العداب لي عشت عمرني نساه فحياتي.
النهاية
ليست هناك تعليقات:
ملحوظة: يمكن لأعضاء المدونة فقط إرسال تعليق.