كل ليلة باش تأخد الجزاء ديالك بقيت كنغوت انا مادرت والو...ما حسيت براسي تارماتني الفيقة ولقيت الواليدا حدايا كتبكي، ورجع ليا الشوف ولكن يدي ورجلي ليسرية مكنقدرش نحركهم بقيت غي كنبكي على زهري. فالصباح جاب الواليد واحد الفقيه قاليهم خليوني معاه بوحدي فالبيت خرجو سد عليا الفقيه الباب قال لي عاود لي اش وقع ليك من الاول عاوت ليه داكشي بالتفاصيل...بقا كيكتب فواحد الورقة وكيرشها بالماء او كيقرا القران ونا كنحس براسي مرتاح او عطاني واحد القرعة ديال الماء قالي تبقا تشرب منها فاش تبغي تنعس وعطاني ديك الورقة قالي خليها ديما فجيبك او منهنا يومين نرجع نشوفك كي بقيتي وخرج عند لواليد سمعتو كيقول ليه ولدك حالتو صعيبة او مغايخليوه تا يعدبوه حيت قتل ليهم ولدهم قاليه وشنو المعمول قاليه الفقيه راني درت ليه واحد الحجاب باش ميوصلوش ليه من دابا يومين غا نرجع او غانجيب معيا واحد الفقيه هو لي غيعرف ليهم مشا لفقيه. ونا حسيت براسي غانقدر نحرك رجلي حركتها او قدرت نوقف ولكن يدي باقا كيما هي شافتني الواليدا اوفرحات قلت ليها باغي ندوش صايبت ليا الدوش دوشت ورجعت لبيتي كانت فالساعة العشرة دالليل او كان فيا النعاس وشربت من ديك القرعة وتكيت فبلاصتي تا داني النعاس ونا نحس بشي حد فيقني غي فقت ونا نلقاه داك راجل لي كيديني كل ليلة لقصر...
ليست هناك تعليقات:
ملحوظة: يمكن لأعضاء المدونة فقط إرسال تعليق.