حاجة وحدة لي كنقول "غاتقتلني" غاتقتلني" بقاو ضايرين بيا تا داني النعاس فالصباح فيقوني ونا مكنشوف والو جاب الواليد الطبيب دار ليا شي فوحصات لقا الشوف مشا ليا ولكن غي مؤقتا مع الوقت غانرجع نشوف بقيت فديك الحالة شي شهر تقريبا ونا مكنشوف والو اوكالس غي فالدار كل ليلة كيبدا العداب ديالي كنحلم واحد راجل كحل كيجي عندي وكيفيقني ويديني معاه كنمشيو لواحد الغابة تما فين كاين داك القصر اول مرة داني لتما قالي هدا هو القصر لي كنتي غاتعيش فيه كون قبلتي تزوج بيها دخلنا من واحد الباب كبير كان سادو واحد العساس من الجن قدو قد السخط او كلهم عندهم رجلين ديال البقر ولكن عندهم النظام تما كلشي داخل سوق راسو كل واحد مقابل خدمتو داكشي عجبني وزوين بزاف شفت واحد الشجرة كبيرة وكانت واحد المرا كالسا تحتها سولتو شكون هديك قالي هديك هي الملكة لي كتحكمهم او هي لي قالت لينا نجيبوك هنا باش تعرف فين كنتي غاتعيش بغيت نمشي عندها ولكن كانو شاديني او هي مابغاتش تشوفني، قلت ليهم وعلاش كالسا بوحدها تما قالي من نهار قتلتي ليها ولدها او هي كتكلس تما. داني لواحد البلاصة خايبة بزاف اوفيها واحد ريحة كريهة او تما بزاف ديال الكلاب او المشاش قالي هنا غانوليو نجيبوك كل ليلة باش تأخد الجزاء ديالك...
ليست هناك تعليقات:
ملحوظة: يمكن لأعضاء المدونة فقط إرسال تعليق.