رنة الخلخال الملعون الجزء 1

 -مي راني ما نقدرش نديها معايا..لاله جوهرة ما غتبغيش وزايدون أنا ماعرفتش شحال ديال الوقت غنبقا..

نطقات اختي الصغيرة بسمة:-عافاك ديني معاك..ياك نجحت ديني معاك عافاك أختي..

-لا حول ولا قوة الا بالله.. واراني ماغادياش على وديت نفوج راه خدمتي هاديك!!

-عافاك ابنتي هدى الله يرضي عليك ديها معاك راه غتبقا مبرزطاني هاد العطلة و أنا نهار كولو فالمارشي.ديها معاك..ماغاديرش البسالة ياك؟!

نطقات بسمة الصغيرة بالزربة:-والله ماندير البسالة..غير غنشوف لاله جوهرة كتغني!!

غوت عليها؛-سكتي !ماتبقايش تجبدي حس الغناء..ديها فقرايتك وصافي...

سمعت تلفوني كيصوني وانا نشوف فماما واختي وغمزتهم اقطعو الحس..

-الو !ييه الاله جوهرة اهاه صافي انا واجدة اليوم بالليل.. ولكن راه انجيب معايا اختي الصغيرة..بصاح؟؟!واخا غنجي للدار فالوقت كوني هانية الاله.

شفت فيهم وأنا نقول لماما:-للعجب هذا كاعما غوتات كيف عادتها..

-الله يهديك ابنتي غير صبري..يالله اجي تاكلو شوية راه تابعاكم الطريق..

كليت انا و ماما واختي..وانا كنفكر فالطريق لي غنضرب..وكنفكر فخدمتي.. بعدما توفى الاب ديالي الله يرحمو خلانا حاصلين فدار للكراء..ولكن أنا ماستسلمتش.. دقيت البيبان حتى دبرت على خدمة مع سيدة معروفة فالمجتمع. هههه لاله جوهرة ومن لا يعرفها مغنية رقاصة كتجمع بين كولشي!! ماكيهمنيش شنو كدير المهم هو أنها كتخلصني مزيان..على خدمتي معاها.. كنقابلها نتسخر ندير الميناج..نهز صاكها نتبعها..المهم هادشي كولو وكتعطيني 3000 درهم للشهر..قانعة بها..كنقري بها اختي الصغيرة بسمة..أما انا عمري عشرين سنة ماكملتش قرايتي مقبولة ..المهم عايشة مستورة وماما كتبيع القزبور في المارشي..

----جمعت حوايجي وحوايج اختي... ﻛﻨﺴﻠﻢ ﻋﻠﻰ ﻣﺎﻣﺎ ﻭﻛﺘﻮﺻﻲ ﻓﻴﺎ : ﺍﺧﺘﻚ ﺃﻣﺎﻧﺔ ﻓﻌﻨﻘﻚ ﺭﺩﻱ ﻟﻴﻬﺎ ﺍﻟﺒﺎﻝ .

ﻓﻌﻨﻘﻚ ﺭﺩﻱ ﻟﻴﻬﺎ ﺍﻟﺒﺎﻝ ..

- ﺻﺎﻓﻲ ﺃﻣﺎﻣﺎ ﻛﻮﻧﻲ ﻫﺎﻧﻴﺔ ...

ﺧﺮﺟﺖ ﺷﺪﻳﺖ ﻃﺎﻛﺴﻲ . ﻟﻠﻔﻴﻼ ﺩﻳﺎﻝ ﻻﻟﻪ ﺟﻮﻫﺮﺓ . ﻭﺻﻠﻨﺎ ﻛﺎﻥ ﺍﻟﻈﻼﻡ ﻣﺎﺯﺍﻝ ﻣﺎ ﻃﺎﺡ .. ﺑﻘﻴﺖ ﻣﺴﻤﺮﺓ ﺣﺪﺍ ﺍﻟﺒﺎﺏ ﺣﺘﻰ ﺧﺮﺟﺎﺕ ﺑﻄﻠﺘﻬﺎ ﺍﻟﻤﻌﻬﻮﺩﺓ ﻻﺑﺴﺔ ﻓﺴﺘﺎﻥ ﻃﻮﻳﻞ .. ﻭﻛﻀﺤﻚ ﺑﺎﻟﺠﻬﺪ .. ﻭﺗﺎﺑﻌﻬﺎ .. ﻣﺪﻳﺮ ﺃﻋﻤﺎﻟﻬﺎ ﺻﺎﻟﺢ ..

ﻻﺣﺖ ﻟﻴﺎ ﺻﺎﻛﻬﺎ ﻭﺍﻧﺎ ﻧﻬﺰﻭ ﺑﺎﻟﺰﺭﺑﺔ .. ﻭﺗﺎﺑﻌﺎﻫﺎ ﻟﻠﻄﻮﻣﻮﺑﻴﻞ ﻧﻐﺰﺍﺗﻨﻲ ﺍﺧﺘﻲ ﺍﻟﺼﻐﻴﺮﺓ ﺑﺴﻤﺔ ﻭﻫﻲ ﺗﻘﻮﻝ -: ﻭﺍﺍﺍﻭ ﺷﻔﺘﻲ ﺷﻌﺮﻫﺎ ﻛﻴﺤﻤﻖ ..

ﻳﺎﻟﻠﻪ ﺑﻐﻴﺖ ﻧﻘﻮﻟﻴﻬﺎ ﺳﻜﺘﻲ ﻭﻫﻲ ﺗﻠﻔﺖ ﻻﻟﻪ ﺟﻮﻫﺮﺓ ﻭﺷﺎﻓﺖ ﻓﺎﺧﺘﻲ ﻭﺍﺑﺘﺎﺳﻤﺎﺕ ﻭﺍﻧﺎ ﺣﺪﺭﺕ ﺭﺍﺳﻲ .. ﻗﺮﺑﺎﺕ ﻟﻴﻬﺎ ﻭﻫﻲ ﺗﺴﻮﻟﻬﺎ -: ﺷﺤﺎﻝ ﻓﻌﻤﺮﻙ ﺍﻟﻐﺰﺍﻟﺔ؟؟ﺟﺎﻭﺑﺎﺕﻫﺎ ﺍﺧﺘﻲ -: ﺗﺴﻊ ﺳﻨﻴﻦ ..

ﺑﺎﺳﺘﻬﺎ ﻻﻟﻪ ﻭﻫﻲ ﺗﺮﻛﺐ ﺍﻟﻄﻮﻣﻮﺑﻴﻞ ﺟﻠﺲ ﺣﺪﺍﻫﺎ ﺻﺎﻟﺢ ﺍﻟﻠﻮﺭ ﻭﺍﻧﺎ ﻫﺰﻳﺖ ﺍﺧﺘﻲ ﻭﺟﻠﺴﻨﺎ ﻓﺎﻟﻘﺪﺍﻡ ﻭﺍﻟﺸﻴﻔﻮﺭ ﺍﻧﻄﺎﻟﻖ ﺑﺎﻟﻄﻮﻣﻮﺑﻴﻞ .. ﺣﺴﻲﺕ ﺑﻘﻠﺒﻲ ﻣﻘﺒﻮﻁ ﻭﺍﻧﺎ ﻛﻨﺸﻮﻑ ﺍﻟﻈﻼﻡ ﻛﻴﻄﻴﺢ .. ﻭﻛﻨﺴﻤﻊ ﺍﻟﻤﻮﺳﻴﻘﻰ ﺍﻟﻤﺠﻬﺪﺓ ﻓﻲ ﺍﻟﺴﻴﺎﺭﺓ ﻭ ﻻﻟﻪ ﻛﻀﺤﻚ ﺑﺎﻟﺠﻬﺪ .. ﻫﺰﻳﺖ ﻋﻴﻨﻲ ﻟﻠﻤﺮﺍﻳﺔ ﻛﻨﺸﻮﻑ ﻭﻫﻲ ﺗﻐﻮﻁ ﻋﻠﻴﺎ .. ﺣﺪﺭﺕ ﻋﻴﻨﻲ ﻭﺍﻧﺎ ﻛﻨﺸﻮﻑ ﻓﺎﺧﺘﻲ ﻟﻲ ﺑﺪﺍ ﻛﻴﺪﻳﻬﺎ ﺍﻟﻨﻌﺎﺱ . ﺳﻤﻌﺖ ﻻﻟﻪ ﺗﺘﻘﻮﻝ ﻟﺼﺎﻟﺢ -: ﺷﻮﻑ ﺭﺍﻩ ﺍﻟﻰ ﺩﺍﺕ ﻟﻴﺎ ﺩﻳﻚ ﺍﻟﻤﺒﺘﺪﺋﺔ ﺍﻟﺪﻭﺭ ﺭﺍﻧﻲ ﻏﻨﺤﺮﻗﻚ ﺍﻧﺖ ﻭ ﻳﺎﻫﺎ .

- ﻻﻻ ﻛﻮﻧﻲ ﻫﺎﻧﻴﺔ .. ﻫﺬﺍ ﺻﻮﻳﻠﺢ ﻭﺍﺟﺮﻙ ﻋﺎﻟﻠﻪ .. ﻣﺎﻛﺎﻳﻦ ﻟﻲ ﻏﻴﺸﻮﻑ ﻓﻴﻬﺎ ﻫﻲ .. ﺍﻧﺖ ﻫﻲ ﺍﻟﻨﺠﻤﺔ ﺍﻧﺖ ﻫﻲ ﻣﺤﺒﻮﺑﺔ ﺍﻟﺠﻤﺎﻫﻴﺮ ..

ﻣﺎﻧﻜﺪﺑﺶ ﻋﻠﻴﻜﻢ ﻻﻟﻪ ﺟﻮﻫﺮﺓ ﺁﻳﺔ ﻓﻲ ﺍﻟﺠﻤﺎﻝ .. ﻛﺎﻉ ﺻﻔﺎﺕ ﺍﻻﻧﻮﺛﺔ ﻓﻴﻬﺎ ﻭﻟﻜﻦ ﺍﺳﺘﺨﺪﻣﺎﺗﻬﺎ ﻓﺎﻟﻐﻠﻂ ﺑﺎﻻﺿﺎﻓﺔ ﻟﺼﻮﺗﻬﺎ .. ﻭﺭﻗﺼﻬﺎ .

. ﻛﻮﻟﺸﻲ ﻛﻴﺤﻤﺎﻕ ﺑﺎﺵ ﺍﺣﻀﺮ ﺣﻔﻼﺗﻬﺎ .. ﻭﺍﻧﺎ ﻟﻲ ﻛﻨﺒﺎﻥ ﻛﻴﻒ ﺍﻟﺨﻤﺎﺱ ﺣﺪﺍﻫﺎ ﻻ ﻋﻼﻗﺔ ﻟﻲ ﺑﻬﺎ ... ﺍﻧﺴﺎﻧﺔ ﺑﺴﻴﻄﺔ ﻛﻨﺠﺮﻱ ﻭﺭﺍﺀ ﻃﺮﻑ ﺩﻳﺎﻝ ﺍﻟﺨﺒﺰ ﻭ ﺩﻭﺍﺀ ﺩﻳﺎﻝ ﻣﺎﻣﺎ .. ﺗﻔﻜﺮﺕ ﻣﺤﻨﺘﻲ ﻭﺷﺪﻳﺖ ﻓﺴﻨﺴﻠﺘﻲ ﻫﻲ ﺍﻟﺤﺎﺟﺔ ﺍﻟﻮﺣﻴﺪﺓ ﻟﻲ ﻭﺭﺗﺚ ﻣﻦ ﺑﺎ ﺍﻟﻠﻪ ﻳﺮﺣﻤﻮ .. ﻛﻨﺎ ﺷﺎﺩﻳﻦ ﺍﻟﻄﺮﻳﻖ ﺍﻟﺴﻴﺎﺭ .. ﻻﻟﻪ ﻋﻨﺪﻫﺎ ﺣﻔﻠﺔ ﻓﻲ ﻭﺍﺣﺪ ﺍﻟﻘﺮﻳﺔ .. ﻣﺎﻋﺮﻓﺘﺶ ﻋﻼﺵ ﺍﺧﺘﺎﺭﺕ ﺗﻤﺎ ﺑﺎﻟﻀﺒﻂ .. ﺟﺎﺗﻨﻲ ﺿﺮﺑﺔ ﻟﻠﺮﺍﺱ ﻣﻦ ﺻﺎﻟﺢ ﻭﻫﻮ ﻛﻴﻘﻮﻟﻴﺎ .. ﻫﺒﻄﻲ ﺩﻏﻴﺎ .. ﺭﺍﻩ ﻻﻟﻪ ﺑﻐﺎﺕ ﺗﺤﺮﻙ ﺭﺟﻠﻴﻬﺎ ﺷﻮﻳﺔ.

جاتني ضربة للراس من صالح وهو كيقوليا..هبطي دغيا..راه لاله بغات تحرك رجليها شوية..وقف الشيفور فواحد الطريق خوية..وانا نخرج بالزربة حليت الباب لاله جوهرة..وهي تخرج كضرب بشعرها و كتمايل فمشيتها..بقات تتبعد عليا شوية وانا تابعاها.. -مالكي لاصقاني؟؟غوتات بالجهد -ا ا لاله راه الظلام و هاد البلاصة كتخلع.. -سيري فحالك خليني نشم شوية ديال الهواء.. بعدت عليها..وانا عين فيها عين فاختي لي خليت فالطوموبيل بقيت تنحرك رجلي شوية..وكنشوف فجنابي..ناري هاد الطريق شحال خاوية وماكاينش حس البشر..بانو ليا شي ضوااو بعاد واقيلا شي دوار هاداك..بقيت كنشوف وهي تبان لي شي حاجة كتلمع فالارض مع ضوء الطوموبيل زاد من لمعان داك الشيء.قربت ليه وانا نهزو..واقيلا زاج هدا..هزيتو كان نصفو مدفون فالارض..غير جبدتو وهو يطلع سنسلة بقيت كنشوف في اللمعان ديالها..وهي تقرب مني لاله جوهرة...خلعاتني:-اش داكشي لقيتي تما؟؟اري نشوف!! مديتو ليها وهي تتشوف فيه وعينيها كيبريو:-هذا خلخال..كيحمق!! شوية عيطات على صالح..وهي تقوليه:-صاوبو ليا فرجلي.. وانا كنشوف فيها حتى دارتو فرجليها سمعت صالح كيقولها:-جاك زوين!!وديال الذهب من الفوق..بصحتك جاوبتهم بصوت مقطوع:-ولكن الاله انا لي لقيتو!! شافت فيا لاله بعينين الغضب وهي تغوط:-ومن امتى بالسلامة ولا ديالك؟؟ شدني صالح من شعري وهي تقوليا:-شوفي البرهوشة آخر مرة تقولي بحال هاد الهضرة نسيتي شكون جابك ولا نفكرك.. حبست الالم و البكية وانا كنشوف فيها وكنطلبها:-سمحيليا الاله بصحتك.. طلق صالح من شعري..حيث لاله غوتات عليه.وانا نكمد البكية فقلبي..سبقوني للطوموبيل..وانا تابعاهم حسيت بنسمة دافئة فعنقي..درت ورايا وانا كنشوف..مابان لي والو..ركبنا وشدينا الطريق.هاد الموسيقى المجهدة ضراتني فوذني...

لاله كل شوية كتغني معاها..وصالح ناعس..تنفست وانا كنشوف فالطريق..كل شوية كنسمع الخلخال ديال لاله ملي كتحرك رجليها كنسمع واحد الصوت غريب...بحال شي جرس رنان..حاولت نعس ولكن بقيت مركزة فالطريق خفت لا ينعس لينا الشيفور..وكل شوية كنطل من الشرجم الليل خيم على الدنيا..كنسمع غير صوت الكلاب من بعيد..شوية وعلى غفلة شلت قدامي وانا نغوط.:-عنداااك عندااااك... شد الشيفور الفران..وشوية كان غيدخل في واحد الحلوف قطع الشانطي بالجرى..اختي فاقت تتبكي.وانا كنهدن فيها ولاله بدات كتعصب.:-اش واقع هنا؟؟اش هاد الصداع!شيفور ديال آخر الزمان حل عينيك شوية!! الطوموبيل وقفات..وانا مزال كنشوف قدامي..قلت ليهم:-الحمد لله ما ضربناهش! جاوبني الشيفور:-واقيلا هارب من شي حاجة انا غنخرج نشوف.. خرج الشيفور..قدام الطوموبيل وانا مبلقة عيني..شوية وانا نتبعو..كان البرد برا..وانا كندور عيني..-راه واقيلا تابعينو الكلاب راه هاد البلاصة باينة فيها الجنان والحلوف كيجي لهنا كيهجم على الغلة ديال الفلاحة..الله يحسن عوانهم... جاوبني الشيفور:-اوا وحنا لي كنا غنضربوه!الله يحضر السلامة..يالله طلعي. كنت راجعة للطوموبيل ملي حسيت بنفس الاحساس نسمة دافئة على عنقي..درت نشوف وهوما يبانو ليا شي كلاب جاااعرين كيجريو جيهتنا...ماحسيتش براسي وانا نجري دخلت للطوموبيل والكلاب هجمو وكينبحو وانا سادة عيني كنغوط...ومزيرة على اختي لي ماعقلتش كيفاش تلاحيت عليها ملي دخلت..ماقدرتش نشوف فالزاج حيث..غمضت عيني وطفا الشيفور الضوء ديال الطوموبيل..وغير حبس الصوت وانا نحل عيني:-ياربي السلامة..اش هادشي. نطق صالح:-ديماري خلينا نمشيو من هنا.. غير خدم الشيفور الطوموبيل وانا نشوف واحد الكلب تلاح على الزاج وسنانو الكبار عامرين بالدم وكينهج....وانا نغوط بالجهد..