واخيرا وصلت للدار كننهج..مشيت كنجري عند اختي..حليت ليها الباب وهي تنقز عليا عنقاتني وكتبكي. -صافي اختي ماتبكيش انا حداك..واش حلمتي بشي حاجة؟ مازال ماجاوباتني اختي..دخلات عليا لاله جوهرة وكتغوط:-تبارك الله شربنا الماء بكري.. -سمحيليا الاله ولكن.. -اري ديك القرعة لهنا..شربات منها وهي تلوحها..اه كون عرفتي شحال تخلعت باش نجيب لك هاد الماء لي كتخصري.. بدات الحفلة الناس جاو وكولشي كيتسنى شكون هاد الشخصية المهمة لي جايبانا حتال هنا..انا بقيت حاضية الناس..من الركينة واختي جالسة حدايا..اوا دخل واحد الراجل باينة فيه شخصية من المظهر ديالو..دخلات لاله جوهرة وبدات تتغني والدنيا عامرة..انا بحال ديما هادشي ماعاجبنيش..جريت اختي وطلعنا للسطاح كان الجو بارد..والدوار كولو مظلم والاضواء شاعلين غير فهاد الدار تعجبت كيفاش ناس الدوار ما عندهمش الضوء كاين غير فالجامع..بقيت كنشوف القمر والنجوم وكنحاول مانسمعش داكشي لي نايض فالدار..قاطعني صوت اختي:-اختي اختي شوفي الحلوف..حدا المقبرة. فالاول ماتسوقتش وانا نجاوبها:-اش بغيتي الحلوف.. -واشوفي حلوفهم كيف داير عندو الوذنين كبار.. انا غير سمعت الكلمة اللخرة وانا نتلفت..شفت شي حاجة كتحوم على المقبرة بقيت مخرجة عيني كنشوف..وانا نشد اختي هبطها من السطاح..دخلنا لبيتنا وقلبي كيترعد وكنفكر شنو داكشي لي شفت نعست اختي حدايا...عيط ليا صالح وهو كيغوط قال بلي لاله كتقلب عليا خليت اختي وانا نخرج لقيت لاله جوهرة دايخة ديتها لبيتها ونعستها..وانا نرجع للبيت نعس..لقيت شي حد ناعس ليا بلاصتي وحدا اختي الصغيرة..بقيت مخرجة عيني.. واقيلا ماكنشوفش مزيان..بقيت كنقرب وركابي فشلو عليا بالخوف.. -ش شكووون تما؟ ماجاوبش داكشي..خوفي على اختي خلاني نتشجع حيدت الغطاء على داكشي وانا نلقا
ماجاوبش داكشي..خوفي على اختي خلاني نتشجع حيدت الغطاء على داكشي وانا نلقا واحد البنت صغيرة..ناري نفس البنت..-اش كديري هنا؟شكون جابك حدا اختي؟ -ماستنيت(اش قلتي) -مافعمتش اشنو كديري هنا؟ -عافام خليني..كصودغ كصودغ(خايفة).. بحكم انني كنفهم الامازيغية شوية قدرت نفهم شنو كتقول..ولكن كيفاش انجاوبها.. هزيت اختي بالزربة وانا كنبعد على هاد.البنت..بقات تتشوف فيا وكتبكي وانا نسولها:-واش كتفهمي الدارجة؟ -اه شوية.. -يالله دبا قولي ليا شكون جابك لهنا؟ -لاله الباتول غتقتلني.. حطيت اختي وانا نقرب للبنت لي كانت تتبكي..-شكون الباتول؟ماشي ماماك؟الباتول ماشي ماماك؟ -لا لا وبدات تتبكي.. شفت فيها كانو ايديها الصغار كلهم ضرابي ووجهها زرق بحالا واكلة العصا.. -شكون دار فيك هاد الحالة؟جاوبي! -الباتول اري تعذاب.. -الباتول كتعذبك؟علاش؟ مدات ليا ايديها الصغار وانا نشوفيهم..ناري واحد الصبع ماعندهاش!!شداتني السخفة والخلعة..وانا كندور فجنابي..ماعرفت ماندير... -دبا شنو اندير ليك شنو؟ -عافاك اجيي دارم عافاك.. -لا نانقدرش نخليك معايا..ولكن صباح غنديك عند.الباتول نشوفو هاد الحالة.. حاولت نهدن البنت بلا مايسمعنا حد وفرشت ليها ونعست اختي فحضني وانا حالة عيني كنراقب ماقدرتش نعس خصوصا ملي عرفت بلي هاد البنت مسكونة بقيت خايفة على اختي.. فالصباح فقت معطلة غلبني النعاس..وماقديتش نخرج البنت حيث الى عرفات لاله جوهرة غتكون هادي اللخرة ليا معاها..سديت على البنت فالبيت هي واختي وانا نخرج لقيت الدار مرونة حاولت نسالي بكري ولكن لاله ديما خارجة ليا بحاجة جديدة خليتها مع صالح وواحد السيد..وانا نمشي للبيت لقيت البنات كيلعبو كان الظلام..وانا نقول للبنت :-يالله دبا نديك لداركم ونرجعو دغيا.. خرجنا بثلاثة دخلنا للدوار...
ماكاينش حس بنادم..دزنا حدا المقبرة وانا نبدا نترعد..سمعت شي صوت وانا نتلفت ورايا..وكنضوي بالبيل..اختي شدات فيا..اما البنت لي سميتها فاطم وقفات .. -فاطم مالك وقفتي؟ دارت عندي وهي كترعد:-ششش تاكمارت اسمدال توشكاد.. -اناري شكون هادي لي جات؟ ماجاوباتنيش ولنا نشد فيها:-دوي شكون هادي.. -تاكمارت تاكمارت.. مازال مااستوعبت كلامها شداتني من حوايجي انا واختي وهي تجرنا ورا واحد الشجرة..حيدات ليا البيل وهي تقوليا:-ششش سكتي.. انا ماعرفت باش تبليت بقيت كنشوف جيهة المقبرة والصوت لي سمعنا بدا كيقوى..وقلبي كيترعد مع كل خطوة..مع ضوء القمر كتبان ليا شي حاجة داخلة للمقبرة بحال شي امرأة ملحفة بشي حاجة بيضاء.. اختي كترعد.وانا نسد ليها فمها لا تبكي ودير الحس..انا بقيت مركزة على هادشي لي كنشوف وكنعرق..بانت ليا المراة داخلة للمقبرة جيهة القبور..وكتمشى وكيتسمع صوت الخلخال ديالها..بقيت كنراقب..وهي كتحوم حول القبور وشوية وهي تنعس بدات كتركل..والغبرة كتحيط بها...وانا مركزة على المنظر..كتبان ليا فاطم لي حدايا كترعد و كتبكي..وصوت نفسها كيتقطع وكتنهج..وانا كنقولها تسكت ولكن عادما زادت فيه.. وهي طيح لينا فالارض وبدات كتركل انا مع الخلعة هزيت اختي وطلق رجليا للريح..انا نجري وما نتلفت...صافي هادي هيا اللخرة ليا اليوم نهاري..اخاي كتبكي وانا غير كنجري بلا مانعرف فين غادية.. المشكل انني دزت من الطريق ديال الدوار..مع الخلعة خليت طريق الدار وانا مانقدرش نرجع..تخبيت وراء واحد الدار وانا نحط اختي..صراحة سخفت بالجرا واختي بدات تبكي..-ششش سكتي عافاك ششش ..حاولت نهدنها وانا كنراقب الطريق..كنسمع شي صوت كيقرب.صافي هادي هي اللخرة ليا..بقيت كندور بانت ليا واحد العصا.. وانا نهزها...وكنتسنا شكون غيخرج ليا..غير بان ليا الظل.
ﻛﻨﺴﻤﻊ ﺷﻲ ﺻﻮﺕ ﻛﻴﻘﺮﺏ . ﺻﺎﻓﻲ ﻫﺎﺩﻱ ﻫﻲ ﺍﻟﻠﺨﺮﺓ ﻟﻴﺎ .. ﺑﻘﻴﺖ ﻛﻨﺪﻭﺭ ﺑﺎﻧﺖ ﻟﻴﺎ ﻭﺍﺣﺪ ﺍﻟﻌﺼﺎ .. ﻭﺍﻧﺎ ﻧﻬﺰﻫﺎ ... ﻭﻛﻨﺘﺴﻨﺎ ﺷﻜﻮﻥ ﻏﻴﺨﺮﺝ ﻟﻴﺎ .. ﻏﻴﺮ ﺑﺎﻥ ﻟﻴﺎ ﺍﻟﻈﻞ .. ﻏﻴﺮ ﻗﺮﺏ ﻭﺍﻧﺎ ﻧﻨﺰﻝ ﻋﻠﻴﻪ ﺑﺪﻳﻚ ﺍﻟﻌﺼﺎ .. ﻭﺍﻧﺎ ﻧﻠﻮﺣﻬﺎ ﺑﺎﻧﺖ ﻟﻴﺎ ﺍﻟﻠﻨﺖ ﻃﺎﻳﺤﺔ ﻗﺪﺍﻣﻲ ﻭ ﻛﺘﺮﻛﻞ -: ﻧﺎﺭﻱ ﺍﺳﻴﺪﻱ ﺭﺑﻲ ﺷﻨﻮ ﺩﺭﺕ ..! ﻓﺎﻃﻢ ﻓﻴﻘﻲ .. ﻋﺎﻓﺎﻙ .. ﺑﻘﻴﺖ ﻛﻨﺤﺮﻙ ﻓﻴﻬﺎ ﻭﻫﻲ ﺗﺒﺪﺍ ﺗﺤﻞ ﻋﻴﻨﻴﻬﺎ ﺍﺭﺗﺎﺣﻴﺖ ﺣﻴﺚ ﻣﺎﻣﺎﺗﺘﺶ .. ﺣﻼﺕ ﻋﻴﻨﻴﻬﺎ ﻛﺘﺸﻮﻑ ﻓﻴﺎ ﻭﺑﺪﺍﻭ ﻋﻴﻨﻴﻬﺎ ﻛﻴﺪﻭﺭﻭ ﺑﻮﺣﺪﻫﻢ ﺍﻧﺎ ﻃﻠﻘﺖ ﻣﻦ ﺍﻳﺪﻳﻬﺎ .. ﻭﺍﺧﺘﻲ ﻛﺘﻐﻮﻁ ﻛﺘﻄﻠﺒﻨﻲ ﻧﻤﺸﻴﻮ .. ﻓﺎﻃﻢ ﻣﺎﻟﻚ ! ؟؟ ﺑﻘﺎﺕ ﻛﺘﺮﻛﻞ .. ﻭﻋﻴﻨﻴﻬﺎ ﻛﻴﺘﺒﺪﻟﻮ ﻭﻛﺪﻭﻱ ﻋﻠﻰ ﺷﻲ ﺣﺎﺟﺔ ﺍﺳﻤﻬﺎ ( ﺗﻜﻤﺎﺭﺕ ﺍﺳﻤﺪﺍﻝ ) .. ﺷﻮﻳﺔ ﻭﻫﻲ ﺗﺴﺨﻒ .. ﻭﺍﻧﺎ ﺍﻻﻧﺴﺎﻧﻴﺔ ﻟﻲ ﻓﻴﺎ ﻣﺎﻗﺪﺭﺗﺶ ﻧﺨﻠﻴﻬﺎ .. ﺑﻘﻴﺖ ﻛﻨﺤﺮﻛﻬﺎ ﻭﺗﻘﻮﻝ ﻭﺍﺵ ﺑﻐﺎﺕ ﺗﻔﻴﻖ .. ﻣﺎﻋﺮﻓﺖ ﻣﺎﻧﺪﻳﺮ ﺣﺴﻴﺖ ﺑﺸﻲ ﺣﺪ ﺣﻂ ﻳﺪﻭ ﻋﻠﻰ ﻛﺘﻔﻲ .. ﻏﻴﺮ ﺩﺭﺕ ﻭﺍﻧﺎ ﻧﻠﻘﺎ ﻭﺍﺣﺪ ﺍﻟﺸﺎﺏ .. ﻗﺮﺏ ﻟﻠﺒﻨﺖ ﻭﻫﻮ ﻛﻴﺴﻮﻟﻨﻲ ﻣﺎﻟﻬﺎ ﻭﺍﻧﺎ ﻣﺎﻋﺮﻓﺖ ﺑﺎﺵ ﻧﺠﺎﻭﺑﻮ ﻫﺰﻫﺎ ﻭﺍﻧﺎ ﺗﺎﺑﻌﺎﻩ -:ﺍﻓﻴﻦ ﻏﺎﺩﻱ ﺑﻴﻬﺎ ﺍﺷﺮﻳﻒ؟ - ﺍﻟﺒﻨﺖ ﺳﺨﻔﺎﺕ ﺧﺼﻨﺎ ﻧﺪﻳﻮﻫﺎ ﻟﻠﺪﺍﺭ .. - ﺍﻧﺎﺭﻱ ﺑﻼﺗﻲ ﻋﺎﻓﺎﻡ ﻭﺍﺵ ﻛﺘﻌﺮﻓﻬﺎ؟؟ - ﺍﻩ ﻫﺎﺩﻱ ﻓﺎﻃﻢ . ﺯﻳﺪﻱ ﺗﺒﻌﻴﻨﻲ .. ﺍﻭﺍ ﺑﻘﻴﺖ ﺗﺎﺑﻌﺎﻩ ﻭﺣﻨﺎ ﻏﺎﺩﻳﻴﻦ ﺷﻲ 5 ﺩﻗﺎﺍﻳﻖ ﻋﺎﺩ ﻭﺻﻠﻨﺎ ﻟﻮﺍﺣﺪ ﺍﻟﺪﺍﺭ ﺣﻼﺕ ﻟﻴﻨﺎ ﻣﺮﺍ ﻛﺒﻴﺮﺓ ﻭﻋﺎﺩ ﺗﺸﺠﻌﺖ ﻧﺪﺧﻞ . ﺍﻧﺎ ﻋﻘﻠﻲ ﻣﻊ ﺍﻟﺒﻨﺖ .. ﻻﺗﻜﻮﻥ ﻣﺎﺗﺖ ﻟﻴﺎ ﺑﻴﻦ ﺍﻳﺪﻱ .. ﺣﺴﻴﺖ ﺑﺎﻟﺨﻮﻑ ﻭﺍﺧﺘﻲ ﺍﻟﺼﻐﻴﺮﺓ ﻛﻞ ﺷﻮﻳﺔ ﻛﺘﻘﻮﻟﻲ ﻧﻤﺸﻴﻮ ﻣﻦ ﻫﻨﺎ .. ﺟﻠﺴﻨﺎ ﻓﻮﺍﺣﺪ ﺍﻟﺒﻨﺖ .. ﻭﺍﻟﺒﻨﺖ ﻣﺎﺯﺍﻝ ﻓﺎﻗﺖ .. ﻗﺮﺑﺎﺕ ﻟﻴﺎ ﺍﻟﻤﺮﺍ ﺍﻟﻜﺒﻴﺮﺓ -: ﺍﻧﺖ ﺟﺪﻳﺪﺓ ﻓﺎﻟﻔﻴﻼﺝ ﻳﺎﻙ؟ - ﺍﻩ ﺍﻻﻟﻪ ﺍﻧﺎ ﺟﺪﻳﺪﺓ ﻫﻨﺎ .. ﺷﻮﻳﺔ ﺩﺧﻼﺕ ﻓﺎﻃﻢ ﻭﻫﻲ ﺗﺠﻠﺲ ﺣﺪﺍﻳﺖ ﻭﺍﻧﺎ ﻛﻨﺸﻮﻑ ﻭﻫﻲ ﺗﻘﺮﺏ ﻟﻴﺎ ﻭﺑﺪﺍﺕ ﻛﺘﻘﻴﺲ ﻟﻴﺎ ﺷﻌﺮﻱ ﻭﻛﻀﺤﻚ .. ﺍﻧﺎ ﺧﻔﺖ ﺣﻴﺚ ﺍﻟﺒﻨﺖ ﻛﺘﺒﺎﻥ ﺣﻤﺎﻗﺖ ﺩﻳﺎﻝ ﺑﺼﺎﺡ .. - ﻓﺎﻃﻢ ﺑﺮﻳﺘﻲ ﻻﺑﺎﺱ ﺩﺑﺎ؟ - ﻫﻬﻬﻬﻬﻬﻪ -ﻣﺎﻟﻚ ﺍﻓﺎﻃﻢ؟ ﺑﺪﺍﺕ ﺍﻟﻤﺮﺍ ﻛﻀﺤﻚ .. ﻭﺍﻧﺎ ﺻﺎﻓﻲ ﺗﺨﻠﻌﺖ ﺑﺤﺎﻻ ﻛﺎﻳﻨﺔ ﻭﺳﻂ ﺍﻟﻤﺠﺎﻧﻴﻦ .. ﺷﺪﻳﺖ ﻓﺎﺧﺘﻲ ﻭﺍﻧﺎ ﻧﻘﻮﻟﻴﻬﻢ -: ﺳﻤﺤﻮﻟﻲﺍ ﺩﺑﺎ ﻏﻨﺨﻠﻴﻜﻢ ﻻﻟﻪ ﻛﺘﺴﻨﺎﻧﻲ .. ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺘﻚ ﺍ ﻓﺎﻃﻢ . ﻳﺎﻟﻠﻪ ﺑﻐﻴﺖ ﻧﺨﺮﺝ ﻣﻦ ﺍﻟﺒﻴﺖ....
ليست هناك تعليقات:
ملحوظة: يمكن لأعضاء المدونة فقط إرسال تعليق.