ﺍﻟﺠﺰﺀ ﺍﻟﺜﺎﻟﺚ ﻭﺍﻷﺧﻴﺮ
ﻭﺻﻠﺖ لواحد البلاصة عامرة بالدم ديال دوك الجتث و كاع دوك التصاور لي كنت كانشوف فالانترنيت هنا فاش تصورو و كاع دوك الناس لي ماتو بسباب المس و كايتدفنو فالمقبرة كانو كايهزوه من بعد و اجيبوه لهاد البلاصة و شفت العظام ديال البشر غير مشتتين هنا و داكشي باش كايديرو السحر و الشعودة حتى هو لقيتو هنا فتحت الارض ...انا دبا فعالم الجن و الشياطين و جابوني لهنا باش نولي واحد منهوم و خاصني نطلع لفوق الارض و نقتل المشاش و بنادم حتى هو و نجيبو ليهوم ... و فاش نسالي غادي اعطيوني تاني شي حاجة نديرها .. و فهاد اللحظة قبل مانطلع شفتهوم شادين بنت صغيرة يلاه تكون عندها عام و شدوها من راسها باش يشربو دمها و بغاوني حتى انا نشرب دمها و شربتو بزز مني كان خايب بزاف و سخون شوية وهوما يوليو كايضربو الطبول و كايشطحو و حتى انا كنشطح معاهوم وهو يدخل ملك الجن مابقيتش عاقل على سميتو مهم سميتو فشكل ..وهو يتم جاي جيهتي و شدني وهزني بيد وحدة و دوك المخلوقات بقاو كايديو و معرفتش اش كانو كايقولو و لكن حسيت بالعافية نايضة فالجسم ديالي و فديك اللحظة دخلو تلاتة من الجن للجسد ديالي .. مابقيتش من البشر وليت واحد منهوم و من تما رجعوني لداري دخلت للبيت و شفت راسي ناعس فوق سداري و بديت كانفيق فراسي وا محمد فييييق ولكن والو بحال الى كنت ميت و الروح هي لي كانت عند دوك القوم فتحت الارض .. اﻧﺎ وليت كندخل ونخرج من الدار بحال الجنون و بديت كنقتل بلاما يحس بيا حتى واحد و ملي دازت 5 ايام رجعت للدار شوية كنسمع الدقان فالباب لقيت شي جيران ساكنين حدايا كايهضرو بيناتهوم اش هاد الريحة الخانزة انا كنت غير كانشوف حيت هوما مايقدروش اشوفوني و هوما يعيطو على البوليس و هرسو الباب و قالو هادا راجل مايت هنا دبا 6 ايام مشيت كلست و بقيت غير كانبكي لااا انا مامتش بغيت غير شي فقيه اخرج مني هادشي عيطو على الطبيب و قال ليهوم بلي مت بأزمة قلبية و هوما يهزوني غادين بيا للمقبرة و انا بقيت كنغوت لاا مامتش انا باقي عايش و شديت فالطبيب و صحابي لي جاو باش اغسلوني و كولشي كايبكي .... لا اصاحبي انا مامتش راه غير المس لي فيا عيطو على شي فقيه اقرا عليا القرآن ... حتى واحد مكاسمعني و هوما يديوني للمقبرة كنت معاهوم و خايف ولكن ماشي بزااف حيت هاد المرة صحابي و خوتي و عائلتي ولاد الحومة و ناس مكنعرفهومش كانو حدايا و معايا و بقيت كنغوت علاش ماكنتوش معايا ملي كنت عايش بوحدي و لكن حتى حد ماسمعني صافي دفنو محمد فالقبر ديالو و بداو الناس كايهضرو على كيفاش مت و بزاف ديال الناس ماتو بنفس الطريقة فوقت قصير ...
سلات القصة ولكن انا دبا وليت واحد من الجن انا و بزاف ديال الناس الي ماتو بحالي حنى باقين حيين ولكن نتوما مكتحسوش بينا و مكاتشوفوناش و كل نهار كانمشيو عند اي واحد ساكن بوحدو و كانديرو ليهوم كيما دارو لينا دبا حنا ولينا كتار هدي هي الوحدانية لي غاتقتلكوم ...
ﺍﻟﻨﻬﺎﻳﻪ
ليست هناك تعليقات:
ملحوظة: يمكن لأعضاء المدونة فقط إرسال تعليق.