ﺍﻟﺠﺰﺀ ﺍﻟﺜﺎﻧﻲ
بقيت كنقلب حتى بانو ليا شي سميات فشكل و تصاور كايخلعو و شي كتبة مقلوبة و ماقدرتش نحبس و راسي ولا كايضرني عاطيني الصداع وخا هكاك مقدرتش نحبس بقيت كنقرا داكشي لي مكتوب و بقيت هكا شي 15 ساعة و مابقيتش عارف شحال فالساعة؟؟
طليت على الساعة لقيت 4 ديال الصباح..
ماقدرتش نعس راسي كاضرني بزااف وبقيت كالس فوق الكرسي حتى داني نعاس و الغد ليه مابقيت قادر ندير والو حتى الماكلة ماقدرت ناكلها ...
ولكن واحد الحاجة لي غريبة بزاف هي انني نضت و مشيت شعلت البيسي تاني و انا محاسش و لكن العقل ﺍﻟﺒﺎﻃﻨﻲ لي متحكم فيا ﻻ ﻻ بزااف هادشي بحال الى شي واحد كيجرني لقدام البيسي و دخلت للمواقع تاني و بديت كنقرا دوك طلاميس ديال تحضير الجن و لقيت تما تصاور فيهوم الصفار و الدم و فيران ميتين و شعر كيتحرق مهم شي حوايج اول مرة نشوفهوم قريت و شفت شي كتابات غريبة 15 ساعة الله اخليكوم عاونوني شي واحد كيتحكم فيا و هاد القصة لي كانكتب دبا صيفطها لبزاف ديال المواقع لي كايفهمو فهادشي ديال الرعب و الجن و حتى واحد ماتيقني و انا على هاد الحالة 16 يوم دبا مكاناكول ما والو كانبقا غير واقف قدام الشرجم و كنشوف فالشجر و البرد و كنبقا نضحك و نهرس الجاج و كنجرح ايدي و نشرب من دمي ولات داري عامرة بالناس مكنعرفهومش و المشاش الكحلين و شي وحدين ماعندهومش الايدين و حدين عندهوم القرون فالراس و فيهوم العافية انا صافي بقا ليا شوية و نسطا و مابقيت عارف اش كاندير وليت غير كانضور فالدار و كنغوت و نقز و كنكتب فالحيوط دوك الجمل المقلوبة .. و مل كانعيا كندخل للطواليط و كانطيح فالارض و نعس .
ماعندي حتى واحد هنا لي اجي يشوفني ولا يزورني انا بوحدي عايش فهاد الدار ..
دازت يوماين و انا فهاد الحالة داوني لتحت الارض كانسمعهوم كايضربو الطبولة و كولشي لابس الكحل و عينيهوم حمرين و و هازين جتث ديال دراري صغار محيدين ليهوم الريوس و الصبعان و الدم كيتقطر منهوم و شي عيالات عريانات و ماعندهومش الرجلين كولشي كايتمشى قاصدين ملك الجن .. و انا مقادر ندير والو بحال الى مكتفيني و لا شي واحد متحكم فيا و المشية ديالي تقيلة و مابقيتش كنحس براسي ..
ﻳﺘﺒﻊ
ليست هناك تعليقات:
ملحوظة: يمكن لأعضاء المدونة فقط إرسال تعليق.