انتقام الجن الجزء 4

 بقا كيضحك قلت ليه مالك كضحك قالي واش نتا مريض راها جات اوهديك لي دخلت معنا راها كتلعب مع ختك ضحكت واخا مابقيت فاهم والو اوسولتو بشحال عايشين فدار هنا فين كانت الصدما الكبيرة حيت قال لي كاين هو وباه او مو اوختو مريم ب4 بيهم سولتو اوعتيقة اش كتجيك قالي مكنعرف تا وحدة بهد السمية. او قلت ليه شكون خليتو فالدار قالي تاواحد سدينها اوجينا كاملين تزعزعت فديك اللحضة حيت الدري كان واعي اوبعقلو عارف اش كايقول اوكيبان ليا متاكد من هضرتو صافي تفكرت المش لي داير فالكرطونة خاصني نعطيه ماياكل دخلت لكوزينة اولقيت جدا كتعشا كانت عينا اوبغا تمشي تنعس باش تشد معنا الطريق غدا او هزيت ليها شوية ديال الخبز اوديك الشيطا داللحم لي خلت فالطبسيل اوديتهم للمش دغيا كلاهم كان فيه الجوع مسكين غي شتو اوتفكرت عتيقة اوتفكرت الهدرة لي قال ليا البرهوش لي خربقت لي عقلي عيطو عليا باش نتعشاو اوتعشينا اومشاو دوك الجيران فحالهم اوكلشي نعس ونا مبغاش اجيني النعاس تا دارت 4:00 دالصباح عاد داني نعاس اوبقيت كنحلم شي حوايج فشكل حلمت واحد الباب كحل وكبير بزااف كيتحل غي بزز وانا واقف قدامو كنتسنا يتحل كامل باش نشوف اشنو كاين لداخل غي تحل كتبان ليا ديك البلاصة مضلمة اوكيجيو منها شي اصوات عمرني سمعتهم فحياتي شوية كتبان ليا عتيقة لداخل كتعيط ليا اوبغيت ندخل لعندها ولكن حسيت بشي حد كيجرني من للور كندور كنلقها...