تغديت وخرجت دربت دورا فالدرب توحشت صحابي لي شهراين تقريبا وانا غابر عليهم مارجعت لدار تا اذن العشاء دخلت لقيت موالين دار حطو العشاء تعشيت معاهم اومشيت نعست مع كنت عيان شوية نسيت المش كاع ماعطيتو الماكلة ونا ناعس كنحس بشي حاجة لصقا فيدي وانا نغوت فقت وانا نلقا لمش عضني من يدي معا بان ليا الدم شديت داك لمش دربتو مع الحيط بكثرة الالم بقات يدي كدرني لويت عليها واحد الفاصمة ونا نتفكر المش مشيت هزيتو بلا شفقة وبلا رحمة لحتو من الشرجم ورجعت تكيت فبلاصتي وانا نتفكر بلي معطيتوش العشاء ديالو يعني انا لي ضلمتو ماشي هو، مابغاش النعاس اجيني مشيت طليت من الشرجم باش الا كان باقي عايش نهبط نجيبو طليت ولكن مابان ليا والو لتحت قلت معا راسي غايكون ماماتش اومشا لشي بلاصة رجعت لبلاصتي وداني نعاس مافقت تا ل8 دالصباح امشيت لكوزينة لقيت لواليدا كتوجد الفطور قلت ليها شنو ندير ليدي راه عضني المش لبارح بليل بقات كتغوت عليا اشداك تجيبو معاك وعلاش كتخليه فالبيت... قالت لي اجي ندير ليك الدوا لحمر ، تا تفطر اوتمشي لصبيطار إديرو ليك الابرة، مشات تجيب الدوا ونا نحل الفاصمة على يدي وتصدمت بقيت حال فمي حيت...
ليست هناك تعليقات:
ملحوظة: يمكن لأعضاء المدونة فقط إرسال تعليق.