انتقام الجن الجزء 6

 حيت مالقيت لا جرح لا والو تخلعت حيت فالليل كانت عضة كبيرة بزاف والدم كيسل منها، جابت الواليدا الدوا ونا نضحك داك الضحكة الصفرا قلت ليها غي كانضحك معاك ماكين والو اوهي تغوت عليا واش انا مساليا ليك لضحك ماشي وقت التفليا هدا سير تفطر خليني نجمع الدار. مشيت فطرت ونسيت لي وقع داز نهار مزيان وخا مكنتش مرتاح فدماغي بالعشية قالت لي ياله تمشي معنا عند خالك راه عارض علينا للعشاء قلت ليها غي سيرو مافيا لي يمشي صافي مشاو كلست بوحدي فدار تعشيت تفرجت فواحد الفيلم جاني النعاس مشيت لبيتي نعست وانا نسمع الباب ديال البيت كيتحل مقدرتش نوض نشوف شكون بقيت ساد عيني تا مبقيت كنسمع والو حليتهم فالضلام خرجت راسي من الكاشا بان ليا شي واحد واقف حدا الشرجم اوكيبكي بغيت نمشي نشعل الضوء نشوف ولكن مقدرتش كنحس بشي حد شادني اومزيرني جيهت الحيط بقيت كنغوت حر جهدي اوهي تهضر واحد المرا هي لي كانت واقفا فالبيت قالت لي سكوت ماكين لي غايسمعك اوجاني صوتها ماغريبش عليا، سولتها ونا مخلوع شكون نتي قالت لي نتا غلطتي غلطة كبيرة لي تسببات فموت ولدي ونا غانعاقبك على هدشي والا رجعتي لور اوفكرتي غاتعرفني، دبا غانمشي ولكن كون متأكد اني ديما كاينا من هنا لقدام مغاديش نتفارق معاك. غي مشات او هو يتشعل الضوء ديال البيت بوحدو بقيت مصدوم فبلاصتي...