انتقام الجن الجزء 7

 بقيت مصدوم فبلاصتي اوكنفكر فهدشي لي كيوقع ليا وشنو هو الغلط لي درت وشكون مات مابقيت فاهم والو ولكن تفكرت داك المش لي لحت من الشرجم وتفكرت عتيقة وتفكرت الهضرة ديال البرهوش خوها وفهمت بأن هد عتيقة مشي من الانس حيت لاوجود لها في الواقع على حساب الهدرة لي سمعت من البرهوش لي كان كيحساب ليا ان عتيقة ختو ولكن دابا عاد تأكدت من هضرتو اوصوت هد المراة لي خرجت ليا فنص الليل مغريبش عليا حيت بحال ديال عتيقة واخا هدي كتبان كبيرة فالجسد ديالها ولكن كلشي ولا باين كلما غرقت فالتفكير فهد الموضوع كنزيد نفهم تفكرت العضة لي عضني المش فيدي بالليل اوفالصباح مابقا ليها حتى اثار حاجة وحدة لي مابقيتش فاهم هي ديك الحلمة لي حلمت ديال الباب لكحل او الغوت او المراة لي كاينا لداخل... اوكنضن ان تاهد الحلمة عندها علاقة بهد الامر. بقيت كنفكر فهدشي تا داني نعاس مافقت تا 9 دالصباح لقيت موالين الدار كيفطرو فطرت معاهم اوهوما مافراسهم مايتعاود مع الوقت حياتي مابقات عندها معنى بالنهار كنكون بيخير ولكن فاش كتأدن العشاء كنولي نسمع شي اصوات فبيتي بحال الا كيعيط لي شي واحد نمشي عندو وليت كنخاف من الليل والضلام او بالخصوص داك البيت تعشينا كلشي مشا ينعس بقيت غي انا دخلت لبيتي نعست فبلاصتي باقي ماداني النعاس سمعت الدقان فالباب حليتو...